PARISHAD ELECTIONS - BLOG 06

PARISHAD ELECTIONS - BLOG 06
ગુજરાતી સાહિત્ય પરિષદ 
પ્રમુખની ચૂંટણી 

2018-2020

છ
ચૂંટણીનું ગાયન:
'ચાર ફૂલ, એક હાટ'

ઓરાં આવો તો કહું વાતડી બાબુ સુથાર!
તમ્મ માટે કાઢી મેં તો હાટડી બાબુ સુથાર!

મારી તે હાટડીમાં ચારચાર ફૂલ. 

દેવાં ચારેય વિના મૂલ, ઓ બાબુ સુથાર!

ઓરાં આવો તો-

પહેલું તે ફૂલ મને બળવંતે દીધું 

'ડાયસ્પોરા' કીધું એનું નામ, હે બાબુ સુથાર!

ઓરાં આવો તો-

બીજું  તે ફૂલ મને સિતાંશુએ દીધું 

'સર્જકતા' દીધું એનું નામ, જો બાબુ સુથાર!

ઓરાં આવો તો-

ત્રીજું તે ફૂલ મને બળવંતે દીધું.

'ડિજિટલ' પાડયું એનું નામ, તે બાબુ સુથાર!

ઓરાં આવો તો-

ચોથું તે ફૂલ મને સિતાંશુએ દીધું.

'સ્વાયત્તતા' એવું એનું નામ, હોં બાબુ સુથાર!

ઓરાં આવો તો-

ચાર ચાર ફૂલ સજી ચૂંટણી તેડાવી મેં તો! 

'પોલીટીશીયન્ન' મારું નામ, રે બાબુ સુથાર! 

ઓરાં આવો તો-

દેજોદેજો રે તમે વોટ, કરી 'ચોકડી'.

અમને દેજો જરી સુગંધ, ઓ બાબુ સુથાર!

ઓરાં આવો તો કહું વાતડી બાબુ સુથાર!
તમ્મ માટે કાઢી મેં તો હાટડી બાબુ સુથાર!

-

।।મામ્પાહિ ઓમ ભગવતી ભવ દુઃખ કાપો।।
।।આપો, ઝટ આપો, સિતાંશુને જ મત આપો।।

ઇતિ વોટ-વચન
(વિદેશી ભારતીય મિત્ર બાબુ સુથારને, જવાબમાં.  )

પરેશ નાયક